6 Views
ప్రభుత్వ ఆశ్రమ ఉన్నత పాఠశాల లో ఘనంగా అంతర్జాతీయ యోగ దినోత్సవం
మంచిర్యాల జిల్లా,బెల్లంపల్లి మండల కేంద్రంలోని ప్రభుత్వ ఆశ్రమ ఉన్నత పాఠశాలలో అంతర్జాతీయ యోగ దినోత్సవాన్ని ప్రధానోపాధ్యాయుడు అజ్మీరా నరసింహ ఆధ్వర్యంలో ఘనంగా నిర్వహించారు. ఈ సందర్భంగా విద్యార్థులు, ఉపాధ్యాయుల కోసం యోగ వివిధ ఆసనాల ప్రదర్శన కార్యక్రమాన్ని నిర్వహించారు. ఈ సందర్భంగా పాఠశాల ప్రధానోపాధ్యాయులు అజ్మీరా నరసింహ మాట్లాడుతూ, యోగ ఆరోగ్యకరమైన జీవన విధానానికి ఎంతో ఉపయోగపడుతుందని, ప్రతిరోజూ యోగ సాధన చేయడం ద్వారా శారీరక, మానసిక ఆరోగ్యం మెరుగుపడుతుందని తెలిపారు. ఈ కార్యక్రమంలో ఉపాధ్యాయులు రంజిత్ కుమార్, ఇతర ఉపాధ్యాయులు, బోధనేతర సిబ్బంది, విద్యార్థులు ఉత్సాహంగా పాల్గొని యోగాసనాలను అభ్యసించారు. యోగ యొక్క ప్రాముఖ్యతను వివరిస్తూ విద్యార్థులకు అవగాహన కల్పించారు.
Poll not found
