రాయపోల్ మండల విద్యాధికారి సత్యనారాయణ రెడ్డి ఉద్యోగ విరమణ సందర్భంగా నిర్వహించిన వీడ్కోలు అభినందన సభ ఘనంగా నిర్వహించడం. ఈ కార్యక్రమానికి ముఖ్య అతిథిగా జిల్లా విద్యాధికారి శ్రీనివాస్ రెడ్డి హాజరై ప్రసంగించారు. ఈ సందర్భంగా ఆయన మాట్లాడుతూ సత్యనారాయణ రెడ్డి విద్యారంగానికి అందించిన సేవలు అత్యంత అభినందనీయమని, ఆయన అంకితభావం, క్రమశిక్షణ, విద్యార్థుల పట్ల చూపిన మమకారం ఎప్పటికీ స్మరణీయమని కొనియాడారు. ఉపాధ్యాయుల సమస్యల పరిష్కారంలో ఆయన చూపిన చొరవ, పాఠశాలల అభివృద్ధికి చేసిన కృషి ఆదర్శప్రాయమని తెలిపారు. ఈ కార్యక్రమంలో స్థానిక విద్యా సంస్థల ప్రతినిధులు, ఉపాధ్యాయులు, విద్యార్థులు పెద్ద సంఖ్యలో పాల్గొని, సత్యనారాయణ రెడ్డి సేవలను స్మరించుకుంటూ ఘనంగా అభినందనలు తెలియజేశారు. అనంతరం ఆయనకు శాలువాతో సత్కరించి, జ్ఞాపికను అందజేశారు. విద్యారంగానికి ఆయన చేసిన సేవలు భవిష్యత్ తరాలకు ప్రేరణగా నిలుస్తాయని పలువురు వక్తలు పేర్కొన్నారు.
