అటల్ బిహారీ వాజపేయి మెమోరియల్ క్రికెట్ టోర్నమెంట్ విజేత ప్రగతి స్టేడియం 11 జట్టు.
రఘునాథ్ వెరబెల్లి ఫౌండేషన్ ఆధ్వర్యంలో అటల్ బిహారీ వాజపేయి జయంతి సందర్భంగా గత డిసెంబర్ 25 న ప్రారంభం అయిన 6 వ విడత అటల్ బిహారీ వాజపేయి మెమోరియల్ క్రికెట్ టోర్నమెంట్ ఫైనల్ మ్యాచ్ నిర్వహించడం జరిగింది. మొత్తం 44 జట్లు ఈ టోర్నమెంట్ లో పాల్గొనగా మంచిర్యాల కు చెందిన RCC-B 11 జట్టు మరియు శ్రీరాంపూర్ కు చెందిన ప్రగతి స్టేడియం 11 జట్టు ఫైనల్ కు చేరడం జరిగింది.
ఈరోజు ఫైనల్ మ్యాచ్ RCC-B 11 జట్టు మరియు ప్రగతి స్టేడియం 11 జట్టు మధ్య జరగిన ఫైనల్ మ్యాచ్ లో ప్రగతి స్టేడియం 11 జట్టు ఘన విజయం సాధించింది. ఈ ఫైనల్ మ్యాచ్ కు బీజేపీ మంచిర్యాల జిల్లా అధ్యక్షులు రఘునాథ్ వెరబెల్లి గారు ముఖ్య అతిథిగా హాజరై విన్నర్ మరియు రన్నర్స్ కు ట్రోఫీ మరియు క్యాష్ ప్రైజ్ అందించడం జరిగింది. ఈ టోర్నమెంట్ లో గెలుపొందిన ప్రగతి స్టేడియం 11 జట్టుకు 10,000 రూపాయల క్యాష్ ప్రైజ్ మరియు రన్నర్ గా నిలిచిన RCC -B జట్టుకు 5000 రూపాయల క్యాష్ ప్రైజ్ రఘునాథ్ అందించడం జరిగింది. మ్యాన్ ఆఫ్ ద టోర్నమెంట్ గా రంజిత్, మ్యాన్ ఆఫ్ ద మ్యాచ్ గా ప్రదీప్ లు నిలిచారు.
ఈ సందర్భంగా రఘునాథ్ మాట్లాడుతూ యువత క్రీడల్లో రాణించాలనే ఉద్దేశం తో ప్రతి ఏడాది క్రికెట్ మరియు కబడ్డీ టోర్నమెంట్ నిర్వహిస్తున్నామని తెలిపారు. యువకులు చదువు తో పాటు క్రీడల్లో రాణించాలని ఆకాక్షించారు.
ఈ కార్యక్రమంలో పట్టణ అధ్యక్షులు వంగపల్లి వెంకటేశ్వర్ రావు, జిల్లా ప్రధాన కార్యదర్శి రజినిష్ జైన్, బీయ్యాల సతీష్ రావు, బోయినీ హారి కృష్ణ, రాకేష్ రేన్వ, రెడ్డిమళ్ళ అశోక్, బొద్దున మల్లేష్, ముదాం మల్లేష్, పల్లి రాకేష్ మరియు తతిదరులు పాల్గొన్నారు.
